Published On:Monday, September 8, 2014
Posted by Unknown
اس بات میں صداقت نہیں کہ اہم فیصلے نجم سیٹھی پس پردہ رہ کر کررہے ہیِں، چیرمین پی سی بی
پاکستان کرکٹ بورڈ کے چیرمین شہریار خان کہتے ہیں کہ سری لنکا کے خلاف شکست کے بعد بطورمصباح الحق کو کوئی وارننگ نہیں دی گئی اوراگر آسٹریلیا کے خلاف سیریز میں بھی شکست کا سامنا کرنا پڑتا ہے تو ایسی خبروں میں صداقت نہیں کہ انہیں قیادت سے ہٹادیا جائے گا۔
برطانوی نشریاتی ادارے کو انٹرویو میں چیرمین پی سی بی کا کہنا تھا کہ
وہ بورڈ کے بااختیار سربراہ ہیں۔ اس تاثر میں کوئی صداقت نہیں کہ تمام اہم
فیصلے نجم سیٹھی پس پردہ رہ کر کررہے ہیں۔ میچ فکسنگ کے سلسلے میں جسٹس
قیوم رپورٹ کی روشنی میں انضمام الحق اور وقار یونس پر جرمانے ہوئے تھے جس
کے بعد انہیں کپتان اور کوچ بھی بنایا گیا اس لئے مشتاق احمد کی بحیثیت
بالنگ کنسلٹنٹ تقرری پر بھی کسی کو اعتراض نہیں ہونا چاہئے۔
شہریار خان نے کہا کہ سری لنکا کے خلاف سیریز سے قبل مصباح الحق زبردست
بیٹنگ فارم میں تھے تاہم صرف ایک سیریز کی خراب فارم کو بنیاد بنا کر انہیں
کپتانی سے ہٹا دینا زیادتی ہوگی، بحیثیت چیرمین وہ ٹیم میں استحکام اور
تسلسل پر یقین رکھتے ہیں۔ ان کا کہنا تھا کہ مصباح الحق سے ملاقات میں بھی
انہوں نے اس بات کا اظہار کردیا تھا کہ وہ انہیں کپتان دیکھنا چاہتے ہیں
اور انہیں توقع ہے کہ اگر یہ معاملہ ایگزیکٹیو کمیٹی میں گیا تو وہ بھی ان
کی رائے سے اتفاق کریں گے۔
چیئرمین پی سی بی کا کہنا تھا کہ 2008 سے قبل بھارتی عوام قومی کھلاڑیوں
سے بڑی محبت کیا کرتے تھے تاہم ممبئی حملوں کے بعد صورت حال تبدیل ہوئی ہے
اور عوام کے اشتعال کو مد نظر رکھتے ہوئے آئی پی ایل میں پاکستان کے
کھلاڑیوں کو شامل نہیں کیا جاتا۔
About the Author
Abdul Hakeem Khagga - I'm a Digital Marketer , Web Designer and Auditor by profession. I love to write and explore different things and share my experiences with people. I like honest and loyal people around me.